Нууцлалын бодлого
Хүчин төгөлдөр болсон: 2026.11.04
Энэхүү бодлого нь GoEvent (goevent.mn) тасалбарын системийг ашиглахад таны хувь хүний мэдээллийг хэрхэн цуглуулж, ашиглаж, дамжуулж, хамгаалдгийг Хувь хүний мэдээлэл хамгаалах тухай хууль болон холбогдох хууль тогтоомжийн дагуу тайлбарлана.
1. Мэдээлэл хариуцагч
Авзага ХХК (РД: 2731118). Хувийн мэдээллийн асуудлаар info@goevent.mn, +976 9936 6696-аар холбогдоно.
2. Бид ямар мэдээлэл цуглуулдаг вэ
- Бүртгэл: нэр, имэйл, утасны дугаар, нууц үг (нууц үгийг зөвхөн буцааж задрахгүй хэлбэрээр хадгална).
- Захиалга: худалдан авагчийн нэр, имэйл, утас, сонгосон үйл явдал, суудал, огноо, тасалбарын дугаар, хаалгаар нэвтэрсэн цаг.
- Төлбөр: төлбөрийн дүн, огноо, QPay-ийн гүйлгээний дугаар. Банкны карт, дансны нууц мэдээллийг бид хүлээн авдаггүй, хадгалдаггүй.
- Цахим баримт: баримт авахдаа оруулсан ИБаримтын хэрэглэгчийн код эсвэл байгууллагын регистр.
- Тасалбар хүргэлт (сонгосон үед): хүлээн авагчийн нэр, утас, хаяг, газрын зураг дээр сонгосон байршил, хүргэгчид үлдээсэн тэмдэглэл.
- Техникийн мэдээлэл: IP хаяг, хөтчийн төрөл, нэвтрэлт болон аюулгүй байдлын cookie.
3. Ямар зорилгоор ашигладаг вэ
- Захиалга бүртгэх, төлбөр хүлээн авах, QR тасалбар илгээх, хаалган дээр шалгах;
- Захиалга, үйл явдлын өөрчлөлт, цуцлалт, буцаалтын талаар мэдэгдэх;
- Хуулийн дагуу цахим төлбөрийн баримт олгох, нягтлан бодох бүртгэл хөтлөх;
- Хүргэлт сонгосон бол хэвлэмэл тасалбарыг хүргэх;
- Залилан, бот халдлага, зөвшөөрөлгүй нэвтрэлтээс хамгаалах.
Бид таны мэдээллийг худалдахгүй. Таны тусгай зөвшөөрөлгүйгээр сурталчилгааны имэйл, мессеж илгээхгүй.
4. Хэнд дамжуулдаг вэ
Зөвхөн дээрх зорилгод шаардлагатай хэмжээгээр дараах этгээдэд дамжуулна:
- Үйл явдлын зохион байгуулагч — хаалган дээр тасалбар шалгах, үйл явдлын өөрчлөлтийг мэдэгдэхэд шаардлагатай мэдээлэл. Зохион байгуулагч энэ мэдээллийг сурталчилгаанд ашиглахыг гэрээгээр хориглосон.
- QPay болон банк — төлбөр хүлээн авах, буцаах.
- Татварын байгууллага (ИБаримт систем) — цахим төлбөрийн баримт олгох.
- Орлоо хүргэлт — та хүргэлт сонгосон үед хүлээн авагчийн нэр, утас, хаяг, байршил. Хүргэлтийн төлбөрийг Орлоод тусад нь төлөх үед төлбөрийн болон И-баримтын (иргэн эсвэл байгууллагын регистр) мэдээлэл. Хүргэлтийн явцын мэдээ хүлээн авахыг зөвшөөрсөн бол таны имэйл, хариу өгсөн цаг, IP хаяг, хөтчийн төрөл (зөвшөөрлийн нотолгоо).
- Cloudflare Turnstile — бот шалгалтын үед IP хаяг, хөтчийн техникийн мэдээлэл.
- Төрийн эрх бүхий байгууллага — хуулиар шаардсан тохиолдолд.
5. Хэр удаан хадгалдаг вэ
Захиалга, төлбөр, баримтын мэдээллийг нягтлан бодох бүртгэл, татварын хууль тогтоомжид заасан хугацаанд хадгална. Бусад мэдээллийг зорилго нь биелж дууссаны дараа, эсвэл таны хүсэлтээр хуулиар хадгалах үүрэггүй хэсгийг устгах буюу хэн болох нь тодорхойгүй болгоно.
6. Таны эрх
- Өөрийн мэдээлэлтэй танилцах, хуулбар авах;
- Буруу мэдээллээ засуулах (бүртгэлтэй бол профайл-аасаа өөрөө засна);
- Хуулиар хадгалах үүрэггүй мэдээллээ устгуулах, бүртгэлээ хаалгах;
- Өгсөн зөвшөөрлөө цуцлах;
- Эрх зөрчигдсөн гэж үзвэл бидэнд, эсвэл хууль тогтоомжид заасан эрх бүхий байгууллагад гомдол гаргах.
Хүсэлтээ info@goevent.mn хаягаар илгээнэ үү. Бид таны хэн болохыг шалгаад хуульд заасан хугацаанд хариу өгнө.
7. Аюулгүй байдал
Холболт бүрийг HTTPS-ээр шифрлэнэ. Мэдээлэлд зөвхөн ажлын шаардлагаар эрх олгогдсон ажилтан хандана. Нууц үгийг задрахгүй хэлбэрээр, QR тасалбарыг гарын үсэгтэй хадгална. Мэдээллийн аюулгүй байдлын зөрчил гарвал хууль тогтоомжийн дагуу холбогдох этгээдэд мэдэгдэж, хохирлыг арилгах арга хэмжээ авна.
8. Cookie
Нэвтрэлт, сагс (суудал барих), CSRF хамгаалалтад шаардлагатай cookie-г л ашиглана. Сурталчилгааны болон гуравдагч талын хянах cookie ашиглахгүй.
9. Насанд хүрээгүй хүн
Насанд хүрээгүй хүн тасалбар худалдан авахдаа эцэг, эх эсвэл асран хамгаалагчийнхаа зөвшөөрлөөр үйлчилгээ авна.
10. Өөрчлөлт
Энэхүү бодлогыг өөрчилбөл энэ хуудсанд шинэчлэгдсэн огноотой нийтэлнэ. Ихээхэн өөрчлөлтийг бүртгэлтэй хэрэглэгчдэд имэйлээр мэдэгдэнэ.